Tixiddas n Wuqqu Yiwen Akken (PDF)

Tixiddas n Wuqqu

Muḥ Afeḥcuc

Yiwen Akken

Tixiddas n Wuqqu
(Muḥ Afeḥcuc)

Tamedyazt Taciṭanit

Yiwen Akken

Tixiddas n Wuqqu

Yiwen Akken

Tixiddas n Wuqqu

Yiwen Akken

Tazwara akk

Muḥ Feḥcuc d argaz n nnif. Maca
nnif-is gar iḍaṛṛen i t-yettawi. Wtet deg-s neɣ
qqimet, netta yezga yeqqar:
-Yehwa-yi!
Muḥ Afeḥcuc iḥemmel tilawin. Yestufa. Xas
akken ur yesɛi adrim, yekkat akken yufa.
Ahat as-tini-m:
-Ah ya Muḥ! Ala ṛebbi i d-nnedd-ik.
Netta ad awen-yini:
Yefka-d tmenyik, taɣyulit
Ṛebbi yebɣa akka
Ɣef t-tteffaḥt yesserway-aɣ tawaɣit
Yexleq-d amaḍal yestufa
D ṛebbi i d-yezwaren ɣer teḥcaycit
Ihi, nukni ɣer-s ay-necba

Tixiddas n Wuqqu

Yiwen Akken

Hemma tura
Balak kan as-t-ini-m iceɣeb-iyi kan wuqqu
Dayen, kkufreɣ acemma
Ssufɣeɣ-d asefru
Akka kan i d-yusa
Yak d kenwi i cennun libirti d iksprisyu

Ihi mebla zɛaf fell-i, a yatma
Ẓṛiɣ tanekra mačči deg uqqu
Maca ula deg-s telha
Hahahahahaha!
Tanekra n wuqqu, neɣ ma d rivulusyu
Semmit-as akken i wen-yehwa

Ih, fɣeɣ abrid
Amzun akken tabbuct neɣ aḥeccun ur ẓẓid
Neɣ tettxemmimen fell-asen kan s tufra?

Tixiddas n Wuqqu

Yiwen Akken

Ẓṛiɣ twehmem, deg usefru-a tufam ajdid
Aha kan ah! Iɛeǧeb-awen kra?

Ihi, i tmuɣliwin, i walaɣen, ekkeset lqid
Ḍset-d yid-i cwiyya

Nekk ur lliɣ d memmi-s n lǧid
Ur nḥeṛwaɣ di ssiya, di cciɛa
Ur d-yettfiḍ uyeddid
Deg umaḍal ur bedleɣ acemma

Nekk d aqbayli, d amdan
Deg-i yella wayen ndir, wayen yelhan
Tideyyanin ur iyi-hwint ara
Tikwal ttamneɣ d illu i yi-d-isnulfan
Yefka-y-id allaɣ d iḥulfan
Tikwal i yes-s ur ttamneɣ ara

Tixiddas n Wuqqu

Yiwen Akken

Luleɣ-d, am kunwi, d azedgan
Tawacult, timetti ḍlan-iyi iẓẓan
Uɣaleɣ d axnanas tura
Ttruɣ , ḍsiɣ am igerdan
Ldiɣ-d allen ɣer idammen d ilefḍan
Adabu d at ičumar ur cuḥḥen ara
Ɣriɣ taɛṛabt, tafṛansist, lquṛɛan
Ḥefdeɣ tid n cciṭan
Ass-a faqeɣ-d acemma

Iṛebbiten di tmurt qwan
Sɛan azal neɣ ur swan
Andat umḍiq-nneɣ nekkni s imectaḥ-a
Kkaten di lewzir rnan berzidan
Nekkni d ilelliyen ay nnan
Maca lebɣi-nneɣ yulwa
Ḥeqṛen tilawin, rnan igerdan
Imagdayen iman-nsen semman
Cban at ṛebbi, d at ddewla

Tixiddas n Wuqqu

Di tkerkas ṛebban
Deg umdun xṛan
Nekk yes-sen ur umineɣ ara

Ah-aw tura kan
I yiman-nneɣ ad nerr ccan
Ad tent-id-nawi akk da!

Ɣur-wat! Awal
Ddaw n waggus d akessar
Ɣret kan s tufra

Yiwen Akken

Tixiddas n Wuqqu

Temẓi n Muḥ Feḥcuc

Asmi nella d ilmeẓyen
Ur neggi acemma
Ḥṛam usuden
Ḥṛam tihin, ta
Afus yessen-asen
Ayen yewta di "bit el ma"!

Di Lycée iḍarren sferfden
Seddaw n ṭṭabla
Mi nedda deg ifurguten
Nettemḥukku s tufra

Di tseddawit nessen
Maca ulac anda
Di l'amphi, a yatmaten
Ur nhenna ara

Yiwen Akken