專訪 .pdf

File information


Original filename: 專訪.pdf
Author: user

This PDF 1.5 document has been generated by Microsoft® Office Word 2007, and has been sent on pdf-archive.com on 10/07/2016 at 16:01, from IP address 223.17.x.x. The current document download page has been viewed 311 times.
File size: 398 KB (6 pages).
Privacy: public file


Download original PDF file


專訪.pdf (PDF, 398 KB)


Share on social networks



Link to this file download page



Document preview


李卓人議員 專訪
【自己香港自己救!】

1.

今次立法會選舉,你除左保住 1/3 議席,其實有無其他明確目標?

立法會一直當然重要,但更重要系令多啲人出來投票,因為我哋好相信市民應該
出來揀、參與。所以我哋擔心大家都沉默、唔出聲、唔出來投票、漠不關心,咁
就算我哋保得到三分一議席都冇意思,因為我哋冇轉變到人心、大家漠不關心嘅
態度。
喺現在社會面對好多結構性問題——貧富懸殊、財團剝削、中共打壓嘅問題等等,
我期望大家都可以關心同出來投票,唔止咁,重要一齊出來參與講出你嘅訴求,
大家一起去爭取。

2.

早前戴教授提出的雷動計劃,泛民會不會考慮?會不會招攬和組織泛民支持

者?
《雷動計劃》若可以剛好配對到我哋攞到個議席呢,咁就勝算最高啦!若果初選
減少泛民隊伍,令我哋勝算最高,我哋當然歡迎。但我覺得戴教授唔系搞緊初選,
而系希望有個[雷霆救兵]到時去配票。但我覺得咁就有危機喇!你基於咩數據去
配票呢?如果數據錯,你咪配錯票?數據怎來?戴教授話佢哋自己做民調,另一
方面做一啲大眾關心嘅民調,但無論佢自己做或大眾做又好,都有數據不可靠嘅
危險,咁如果[救錯人]咁點算呢?之後可能令本來有多啲有勝算嘅人,最後變成
結果差左。所以我覺得戴教授要解答一個問題——[數據準確性]。
另一個答問題——非建制派系咪全部理念都一樣呢?未必嗰喎!我好勞工咖!
我系好希望分配公義咖!但有啲淨系覺得要爭取普選嘅!其他問題唔緊要,或者
勞工方面佢唔系咁著緊嘅!咁點解唔俾選民一個選擇?因為唔系淨系[建制]/[非
建制],仲有系[非建制]裏面都有幫多啲基層、打工嘅!另外有冇咁幫、冇咁緊嗰
邊。大家應該有個選擇囉!

3.

最近有很多新政黨宣佈成立,有比較激進亦有自稱是中間派的。[政治光譜]

如此碎片化,會否使泛民的票源被兩邊拉開呢?
講明系[碎片化],就當然就會分開晒啦!變成 N 邊啦!既然分散成 N 邊就哽系令
宣稱更加危險啲啦!本來一個議席,分左多條隊去爭嘅,咁一定系分散左啲票。
所以今次嘅危機因碎片化得濟,令到最後嘅成績系會差啲。但系宜家大家覺得自
己之間嘅理念有唔同,大家系有權出來選嘅,但系我自己就覺得嘅結果可能會比
較危險啲囉!

4.

對於最近冒起的本土派,泛民會不會考慮與他們進行協調?例如舉行初選或

選舉時進行配票等。
我哋覺得宜家嘅所有政黨、新政權,如果要協調就冇方法,除非系有初選嘅啫!
咁如果初選系冇嘅,跟住落來系要交俾選民去決定啦!同埋我覺得大家都要接受
一樣嘢,就系大家無論系泛民又好,本土又好,除左大家基本民主嘅主張外都有
好多唔同嘅立場。本土之間唔同政權都有唔同立場啦!
另一方面,我哋政黨同本土對於勞工、房屋、醫療、公共財政…各方面都有唔同
嘅立場。所以我覺得最後都要俾選民去決定,你話如果大家都去參選嘅話你好難
做到配票嗰樣嘢。因為例如有 9 個議席,有十幾隊咁你點配呢?系咪?如果真系
要做好成個選舉反而你系要減少參選嘅團隊,仲緊要過參選人多,一多就好難去
配咖喇!。所以我覺得真系要交返俾選民。
(問:唔派人同佢哋(其他參選者)傾相關嘅嘢?)已經冇得傾,除非傾唔出來
選,以減少隊伍,咁就要搞初選,但條件系所有人(及政團)都同意先得,否則
就做唔到。事實上宜家有啲系唔同意嘛!所以冇得做。但系睇番上次就算系[新
界東]本民前——梁天琦同公民黨——楊岳橋,佢哋都系多左一條隊出來分散啲
票咖!所以你話傾?根本睇到個政治現實系,上次都冇得傾,今次更多條隊又何
來有得傾呢?咁當然我都有試過問過下,亦發現到有啲團隊系唔接受,所以系冇
得傾咖!所以你減唔到競選團隊數目,你凸左隊嘅話,咁又憑乜去配呢?都要交
俾選民自己配啦!等選民揀佢認為覺得邊個個立場、往績系佢最代表到佢、最支
持嘅!但我哋最希望系唔關心嘅人轉為關心(社會),大家一齊投票。

5.

大多本土派均是最近才冒起,沒有很多政績可以參考,泛民如何能界定哪個

政黨屬於本土派?另外,泛民會不會有選擇性地與他們協調呢?
我冇資格界定嘅,個個人都可以自稱本土派嘅!要由選民睇清楚佢嘅正港到底系
咪代表到佢嘅利益。因為本土派每個人都有唔同定義。大家除左啲名,重要睇賣
政綱,其實佢哋都有好多唔同嘅立場——
有啲覺得要排外,差唔多淨系香港人先可以照顧,新移民嗰啲都唔理嘅!咁大家
系咪要呢啲本土派呢?有啲系要香港獨立嘅,咁大家又決定,知唔支持香港獨立
囉!所以有唔同嘅本土派,有唔同講法。唔好淨系聽個名,因為容易誤導。大家
覺得個個都話[本土]就真系本土咩?其實最緊要都唔系嘅名,而系實質內容、政
綱系點樣。
如過大家立場相近,一定會協調咖!一定會共同進退,系做嘢個度我哋都盡最大
努力去爭取我哋應有權利。包括香港人宜家受到中共好多打壓,咁我哋一定要守
住香港嘅文化、文明、我哋嘅價值,呢啲一定會有合作空間咖!但有時我哋唔會
隨便講同邊個[共密],本土一定會協調,因為有啲都可能系[假本土]或有有哋啲
系我哋比較唔可以接受嘅立場,大家要成個立場去睇。我哋覺得總之大家就系要
認同同一目標,儘量包容;有時唔系我哋可唔可以接受到,調返轉佢哋肯唔肯同
泛民協調呢?有啲團體自稱本土嗰啲,佢可能以攻擊泛民黨來表達自己,如果佢
哋都否定得我哋喇!咁我哋有點同佢哋協調呢?因為佢哋目的就想否定,但我唔
系話所有團體都系咁,所以有(可)合作嘅我哋都可以嘅!

6.

現在傳統泛民被很多年青一代認為是只會口講而沒有實際行動,因而開始失

去支持。泛民有沒有辦法可以改善給人的印象而在選舉中保住議席呢?
我覺得呢個印象本身系扭曲啦!你話得個講,冇行動,咁我哋行動嗰時大家系邊
呢?同埋你純粹為左否定而去突出自己(可能會)
。其實都唔系批評我哋冇行動,
而多是話我哋行動系[冇成效]、[冇用]咁樣,依個好容易講咖!總之你系咪都話
人冇用,唔該大家證明自己系有用先啦!就唔系靠去話人哋冇用來否定人哋去突
出自己囉!我自己覺得對付依個中共專政,去爭取民主、改變制度系需要好多韌
力,我哋唔會因為宜家有啲人批評而否定我哋過去所做嘅嘢。
大家都記得 03 年七一(2003 年 7 月 1 日大遊行),我哋最後令到中共想立嘅[基
本法 23 條]立唔到啦!所以可以睇到一樣嘢就系,基本上如果大家一齊行動嘅話
呢,系有成效嘅!當然系咪個個行動最後都會有一個我哋想見嘅結果?我唔敢講,
但系如果大家唔行動呢就一定冇結果。淨系識批評而自己唔做嘢呢,一定冇結果,
依個就好肯定咖喇!


Related documents


cloakwood forest
budget speech urdu 2018 19 1
notater fra en venn gn
dypt arbeid av cal newport
the willpower instinct gn
solving the procrastination puzzle gn

Link to this page


Permanent link

Use the permanent link to the download page to share your document on Facebook, Twitter, LinkedIn, or directly with a contact by e-Mail, Messenger, Whatsapp, Line..

Short link

Use the short link to share your document on Twitter or by text message (SMS)

HTML Code

Copy the following HTML code to share your document on a Website or Blog

QR Code

QR Code link to PDF file 專訪.pdf


Related keywords