This PDF 1.5 document has been generated by Microsoft® Word 2010, and has been sent on pdf-archive.com on 21/04/2017 at 17:37, from IP address 197.156.x.x.
The current document download page has been viewed 375 times.
File size: 140.18 KB (13 pages).
Privacy: public file
“Qabyaaladi Uf-weeyaan”
Maansadan “Qabyaaladi Ufweeyaan” waxaan intii macquula ku eegay
qabyaaladi waxay tahay, waxaan ka dhaxalnay, tafaraaruqa iyo lurtiisa
anigoo ku gunaanaday talo iyo tusmayn guud.
Wixii gefa ee aqoonyari ii geysay weyne hayga dhaafo, wixii aan
abbaarayna weynaan ku mahadinayaa.
Oh qabyaaladiiyeey.
Isir waxaad wadaagtaan.
Gidigood ibleyskoo.
Aabbahaana shaydaan .
Ubadkiisi weeyoo.
Abkaabaa malcuunoo.
Awoowgaad firsanaysaa.
Waa ehel jaxiimaad.
Oh qabyaaladiiyeey.
Astaamaha ad leedahay.
Aan kala ableeyoo.
Aadmiga u sheegee.
Olol aan damayneey.
Inkaartii haldoorkiyo.
Indheer garadka qalataay.
Eebadii waxgaradkiyo.
Odayada biraysaysaa.
Gaari shalay aroosayd
Asay tii u saartaay
Curad weli abaydina
Agoomeeyadiiyeey
Waayeel afthaniyo
Abwaanada qudhgooyaay
Aqoonyahan ma dhaafaay
Garashada arradiyaay
Axdigoo la buriyiyo
Aanooyin badaneey
Uttun aan dhamaaneey
Warankii iblayskaay
Uufanaaga liitiyo
Ardal iyo hudeec iyo
Ummiga u khidmeeyaay
Nacaskii itaallee
Adhi iyo lo'foofsaday
Ama ayro daaqsaday
Iyo shilin mid urursaday
Aan lahaynse iimaan
U adeegadiiyeey
Danyaraha ma eegaay.
Oh qabyaaladiiyeey
Inta shay xumaanee
Weynaha ilaahay
Aadmigu ka magan galo
Halka laga abqaalee
Iniinteedu taalee
Lagasoo unkaayaay
Oh qabyaaladiiyey
Umalkiyo lurkaagaa
Arami igu kiciyoo
Ololkiyo kulkaagaa
Uurkayga gubayoo
Intaad xumo asbaab iyo
Asal iyo u tahay hoy
Ruuxii ogsoonbaa
Garan karaa ibtiladaad
Subax nool aloostoo
Udgoonow rasuulkaa
Shay soo uraayiyo
Kugu yidhi ufbaa too
Akhas liidataa tahay.
Oh qabyaaladiiyeey
Aqalkaad u hoyateed
Ka arimiso weeyaan
Halka lagu ilduufee
Birta lagu afaystee
Ajal lagu jaraayee
Ruux islaama dhiigii
Loogu ololayaayoo
Cadhadii ilaahay
Ay kusoo aroortaa !
Oh qabyaaladiiyeey
Inta sheekh afkiisiyo
Adinkiisu ay khayr
U adeegayeenoo
Amlaydaadu xiirtaan
Tiro lagu idlaynoo
Wiil geed adagyoo
Geesiyoo ildheeroo
Asaagii u mudanbaad
Iilka u xanbaartaa
Misna urugadiisoo
Uurka laga huraayaad
Olol kale hololcinaysaa
Markaasad inkaaryahay
Abwaanada la tooydiyo
Oday geedka joogiyo
Afyaqaanka xiirtaa
Wax aqoonka shacabkaad
Eebada xanuunkale
U afaysataayoo
Ardalkaad tidhaahdaa
Indhaha iska tuuroo
Aqoonyahan ku laysaa
Axankoon la dhiginbaad
Arday baro tacliintiyo
U ordaayey dhigashada
Aano u dishaayoo
Ubaxaad dhamaysaa.
Uur-dooxataa too
Arxan kala dhaqaaqdee
Wiil madi ahaayoo
Hooyo eeganaysaad
Isagana qudhgoysaa
Oh qabyaaladiiyeey
Aqal nuur ahaabaad
Iftiinkiisa damisaa
Hooyo ubad lahaydbaad
Ilmadeeda saydhaa
Aabbaad Gablamisaa.
Aduunyada intaa la eg
Aadmiga ku noolee
Islaam iyo kufaarba leh
Wuxuu iiga oolee
Iigasii ordaayaa
Eelkaaga weeyaan.
Oh Qabyaaladiiyeey
Haddii aan iblays iyo
Ku adeegsan shaydaan
Mar qudhuun inkaaryahay
Waxaad noo idlaysee
Aad aradka soomaal
Udubka uga mudatee
Uunkii ku noolaa
Amlayda ugu sidetee
Ummadaha kufaarta ah
Indhaha uga xidhatiyo
Eeddaha Bal Gaarkeed
Noo Ugaadhsanaysaa
Waa Maxay Ibtalayahay ?
Haddii aan iblays iyo
Ku adeegsan shaydaan
Ardalkiyo nin liidkiyo
Uufanaaga doqoniyo
Ululiga magaanka ah
Maxay kuu addeecaan?
Haddii aan iblays iyo
Ku adeegsan shaydaan
Aw iyo wadaad iyo
Waayeel il-dheeriyo
Aqoonyahanka fiicani
Maxay kaaga oolaan?
Haddii aan iblays iyo
Ku adeegsan shaydaan
Bal maxay abwaankiyo
Ab ogaa xidaari ihi
Ummada kaaga digayaan ?
Haddii aan iblays iyo
Ku adeegsan shaydaan
Aafada ad kicisiyo
Waxaad olol shidaysee
Hadba naar afuuftiyo
Waxaad aadmi layseed
Ajal goysay fahaney
Intifaac ma leedahay?
Anfac daa warkiisoo
Abaar waad ka darantoo
Waxa aan As-iladaa
U Ableeyey shacabkaan
Ogaysiis U Dirayoo
Sida Ay Islaamkiyo
Aw-sheekhi Qeexeen
Aqoontana ka dheegeen
Ardaa nabad weeyaan
Halka uu ilayskiyo
Aayatiinku yaaloo
Dadku ku istareexaa
Ardaa nabada weeyaan
Halka lagu aflaxayee
Dadku nolol iftiin badan
Ay ugu arooraan
Ardaa nabada weeyaan
Halka laba is aaminay
Ku aroos galaanoo
Inta ila xidh loo dumo
Aqal laga yagleelaa.
Ardaa nabad weeyaan
Halka hooyo ubadkiyo
Ubax ay ku korisee
Dhallaan uu ku ababaa
Ardaa nabada weeyaan
Halka maal aduun iyo
Adhi lagu dhaqdaayee
Hanti lagu ilaashaa
Ardaa nabada weeyaan
Halka eebbe weyniyo
Rabi lagu adeecee
Cibaadada ilaahay
Saxda loogu oogaa
Ardaa nabada weeyaan
Halka aan aqoontiyo
Cilmi aayatiin badan
Allaylehe ku baranaa
Ardaa nabada weeyaan
Halka nolosha idilkeed
Ay ka askumaysee
Weyne ka eheeyaa
Halka Aynu naalana
Aan Idiin Ishaaroo
Ka caddeeyo Oogtee
Magaceenu waa erey
Iyo tuduc astaanoo
Amni xumada baahdiyo
Argagagixiso iyo qarax
Hadda lagu aqoonsado
Waana uurku taalada
Ilmada iga keentee
Sharafteenan awdalan
Uubada daluunta
Aan uga gargaarnoo
Sidii ay ahayd beri
Udubkeeda taagnee
Noqda ul iyo Diirkeed
Aan idin tusmeeyee
Arag nato waa maxay
Arab liiga faaqida
Eeeyuudu yay tahay
Igad maxay ka dhigan tahay
Danta yuu en waa maxay?
Ilbaxnimada durugtiyo
Aqoontaa cadaysoo
Midnimaduna awood iyo
Waa tiir adayg badan
Kala awdal-naantuna
Laba kala irdhowday
Af libaax ku hoysaa
Iyana waxay Abaareen
Ududoo Midh noqotoo
Hadba kii itaal daran
Iilka lagu bud-dhigayee
Oh Qabyaaladiiyeey.pdf (PDF, 140.18 KB)
Use the permanent link to the download page to share your document on Facebook, Twitter, LinkedIn, or directly with a contact by e-Mail, Messenger, Whatsapp, Line..
Use the short link to share your document on Twitter or by text message (SMS)
Copy the following HTML code to share your document on a Website or Blog